سیلون سنٹر اور مساج پارلر پر نوجوان نسل کے ساتھ دھوکہ

جہلم لائیو( سوشل ڈیسک) ہیئر سٹائل و سیلون سنٹرز پر مساج اور رنگ گورا کرنے کے چکر میں ناقص و غیر معیاری کریموں کے استعمال سے نوجوان نسل کی جلد خراب ہونے لگی۔ جہلم شہر میں موجود ہیر سٹائل و سیلون سنٹروں پر دنوں میں لوگوں کو چاند کی طرح چمکتے ہوئے سفید چہرے کا جھانسہ دے کر زہریلے کیمیکل اور ناقص و غیر معیاری چیزوں سے کریموں سے نوجوان لڑکے و لڑکیوں کی بڑی تعداد ان دھوکہ بازوں کے جھانسے میں آکر اپنے چہروں کا ستیاناس کروا رہے ہیں ، ناقص وغیر معیاری کریموں کی آڑ میں ملاوٹ مافیابلا خوف نوجوانوں کو ورغلا کر ان کے حلیے بگاڑ رہے ہیں۔نوجوانوں کا اس حوالے سے کہنا ہے کہ ہیئر سٹائل و سیلون سنٹرز میں ناقص کریموں کا استعمال کرنے والے بااثر مالکان کے خلاف کارروائی کی جائے تاکہ نوجوان نسل کو جلدی امراض سے محفوظ بنایا جا سکے۔