بت آخر کار ٹوٹ جاتا ہے

آپ کوئی پتھر کہیں سے ڈھونڈ کر لائیں.
پھراسے قیمتی قرار دیں.
اس کی تراش خراش کے لئے ماہر مصور کی خدمات حاصل کریں.
ورچوئل اسسٹنٹ کو ساتھ ملائیں.
اس میں اعلیٰ قسم کی مٹی پیوست کریں.
اس کی نوک پلک سنواریں،اس کی حفاظت کا مناسب بندوبست کریں.
اس کو موسمی اثرات سے بچائیں.
عام لوگوں کی پہنچ سے اسے دور رکھیں.
برسوں کی محنت اس پر صرف کریں.
آزمائشی طور پر ہوا کے مقابلے میں اسے کھڑا کریں.
اگر ہو سکے تو ہوائی یا خلائی مخلوق کی مدد حاصل کریں.
بہت ممکن ہے کہ کچھ عرصہ کے لئے یہ بت مبہوت کھڑا رہے.
مگر آخر وہی ہوگا جو ہوتا آیا ہے.
کیونکہ تقدیر کے قاضی کا یہ فتویٰ ہے ازل سے کہ
"بت آخر کار ٹوٹ جاتا ہے”